Баграш-Бигра но Вуж Монья удмурт мерлыко центръёсынымы пумитам Пермь улосысь Чайковский карысь делегациез. Куноосмы - пӧртэм выжы калык огазеяськонъёсысь удмуртъёс, бигеръёс, поръёс, коми-пермякъёс.

Баграш-Бигра но Вуж Монья удмурт мерлыко центръёсынымы пумитам Пермь улосысь Чайковский карысь делегациез. Куноосмы - пӧртэм выжы калык огазеяськонъёсысь удмуртъёс, бигеръёс, поръёс, коми-пермякъёс, ӟучъёс - вуылӥзы «Сизьым выж» ӵектос улсын Фонд президентских грантов юрттэмъя. Кивалтэ ӵектосэн Чайковский карысь «Удмурт Кенеш» огазеяськонлэн тӧроез Людмила Филиппова.

Баграш - Бигралан ортчиз «Удмуртъёслэн, бигеръёслэн, поръёслэн сюан сям-йылолъёссы» семинар-практикум. Пумиськонэ лыктэмъёсты сям-йылолъёсын тодматӥзы Владимир Ботников, Зульфия Каримова, Зоя Князева. Туж тунсыко экскурсия «Даур шыкыс» музеетӥ ортчытӥз Баграш-Бигра гуртлэн старостаез Анатолий Матвеев.

Вуж Моньялан куноосмы тодматскизы «Выль» сям-йылолэн, выль ӝук, выль емышъёс веръязы, Вуж Монья культура юртысь фольклор коллективъёсын ӵошен кырӟазы-веразы.

Тау кариськом ваньмызлы, кин юрттӥз радъяны ужрадэз. Нимысьтыз Людмила Шумиловалы, Екатерина Гагариналы, Владимир Ботниковлы, Надежда Федоровалы, Зульфия Каримовалы, Елена Петровалы.