![](https://vk.com/emoji/e/f09f92a5.png)
«Зарни шеп» калык фольклор ансамбльлы – 45!
1979-тӥ арын Федосья Михайловна Тубыловалэн кивалтэмез улсын кылдӥз та коллектив.
Россиын сяна, ансабль кунгож сьӧрын но тодмо вал. Калык творчествоя огъяросси фестивальёсын трос пол лауреатъёс но дипломантъёс луылӥз.
Юбилейлы сӥзьыса, толон ёрос культура юртын бадӟым но шулдыр концерт ортчиз. Котырес лыдпусэныз ӟечкылазы ёрос администрацилэн тӧроезлэн нырысетӥ воштӥсез
Ренат Галимов, ёросысь
депуатъёслэн кенешенызы кивалтӥсь
Людмила Бикшинтеева, архивен но культура ёзэтъёсын кивалтӥсь
Ирина Гильфанова (Борисова).
«Зарни шеп» ансамбль кырӟанъёс но эктонъёс пыр возьматэ удмурт калыклэсь сям-йылолъёссэ, узыр лулчеберетсэ, мур пуштросо историзэ.
Учкисьёслы капчи мылкыд кузьмаса, сцена вылын чузъяськизы шулдыресь кырӟанъёс, маскаръяськонъёс.
![](https://vk.com/emoji/e/f09f9290.png)
Ӟечкыласьком «Зарни шеп» ансамблез юбилееныз. Выль вормонъёс, шумпотон но задор мылкыд сӥзиськом!
https://vk.com/album-147177759_305259571