История семьи Вахрушевых из Якшур-Бодьинского района
Семейные истории
Приёмная семья Вахрушевых из Якшур-Бодьинского района.
...Ватскыса ум улиське - ваньмыз шара, ваньмыз мед адзезы - валалозы кадь потэ: нылпилы дорын умойгес...
.. Ничего не скрываем - у всех на виду, все пусть увидят - поймут мне кажется: детям дома лучше...
Анайлэн нуналыз
Якшур Бӧдья ёросысь Мукши гуртысь
Любовь Вахрушева трос нылпиё анай. Вань сюлэм шунытсэ, кужымзэ сётыса со али сизьым нылпизэ бурд улаз будэтэ, нош кыкез дышетскыса, быдэ вуыса бордысьтыз лобӟизы но асьсэлэсь семьяоссэс кылдытӥзы ини.
– Любовь Николаевна, кыӵе семьяын тӥ асьтэос будэмын но кытысь собыдӟа мылкыдды трос нылпиё анай луыны?
– Ачим мон Якшур Бӧдья ёросысь Урсо гуртын пичи семьяын будэмын. Анаймылэн ми кык нылъёс гинэ. Пинал дыръям анаелэсь вын, сузэр курыса улэмме тодӥсько на, но ӧз кылды. Школаын дышетскон вакытъёсы дырысен нимысьтыз коркан, шудӥсь-бызьылӥсь трос нылпиосын бадӟым азбарын улон сярысь малпанъёсы кылдылӥзы. Быдэ вуыса, аслам куинь нылпиосы вордӥськизы. Нош Ӵошкыт гуртысь мерлыко приютын ужакум, одӥг учыр бере нылпи кутыны малпанъёс йырам лыктыны кутскизы. Приютысь Женя нимо пичи пи (али ини со мынам пие) кияз суред кутыса, бызьыса дорам вуиз но шуиз: «Мама, мон тыныд суредай!» Сюлэмы юн бугырскиз. Укылтэмъяськон сямъёссэ, ӵем висьылэмзэ тодӥсько ке но вал, сое ас дорам басьто шуыса, аслам нылпиосыным кенеши, кутэм анай-атайёслэн школаязы дышетскыны ветлӥ но Женяез аслам кари. Со сяна, соку ик приютысьтымы Сергеез, Никитаез но кутӥ на. Ёрос опекаысьтымы жингыртыса, Якшур гуртысь 15 аресъем Машиез бордазы ик кутыны ӵектӥзы. Озьы 2019-тӥ арысен 2-тӥ декабрь нунал милям семьяямы Аистлэн нуналыз (кутэм семьялэн нуналыз) луиз. Арлы быдэ табере сое ми пусйиськомы. Приютэ вуылэм нылпиослы, берен кошкыкузы, котьку но сьӧразы телефон номереным но адресэным пичи гожтэт келялляй но шуылӥ: «Шуг-секытэ шедиды ке, эн ветлэ урод ужъёс лэсьтыса. Ӵукна-а со луоз, ӝыт-а, уй-а, котькыӵе дыре жингыртэ мыным». Одӥг пол жингыртӥсь луиз. Элькун нылпи юртысь директорлэн воштӥсез со пичи гожтэтысь номеръя монэ шедьтӥз. «Тодӥськоды-а приютэ сюрылэм Викаез?» – юанэн вазиськиз. Тодӥсько, шуи. Нылаш дорамы сюремын, солэн, пе, туж тӥледын адскемез потэ. Мон соку ик нылпи юртэ мынӥ. Викаен сюлмысь вераським но кенешимы со мынам нылы луоз, но дорам шутэтскон но праздник нуналъёсы гинэ бертылоз, уго 9-тӥ классэ дышем школаяз ик йылпумъяны кулэ. Отысен Дашаез адӟи на. Гужемлы шуыса, кыкназэс ик мыным сётӥзы вал но, Дашие бордам кылиз. Ар ортчыса, ёрос опекаысь жингыртӥзы но Настяез басьтыны ӵектӥзы. Соин тодматскыны ми мынӥмы кыкеныз нылпиеным ӵош. Пиналъёсы шуизы: «Настя Никитамы тус, озьыен, соос братэн сестраос, басьтоно дорамы». Зэм ке, Настимылэн Никиталэн кадь ик висёнэз вал, кудӥз адямилы огтус сётэ. Озьы семьямы пумен бадӟым луиз.
... Ничего не скрываем - у всех на виду, все пусть увидят - поймут мне кажется: детям дома лучше...
Полностью статью о семье читайте
https://vk.com/wall-148938125_5470
