Дунне выламы трос пӧртэм калыкъёс уло. Котькудӥзлэн вань аслаз кылыз. Бадӟым а со, шоро-куспо а, яке пичи а со вераськон кыл
17:32 22.02.2024 16+
Дунне выламы трос пӧртэм калыкъёс уло. Котькудӥзлэн вань аслаз кылыз. Бадӟым а со, шоро-куспо а, яке пичи а со вераськон кыл, котькинлы но дуно но мусо потэ ас вордскем кылыз.
Туннэ, анай Калыккуспо нуналэ, пумиськонмы сӥземын вал кык анай кылын вераськись калыкмылы: удмуртъёслы но вӧзамы улӥсь бускельёсмылы - поръёслы.
Пересьёс верамъя, асьме палъёсы нырысь ик интыяськиллям вылэм поръёс, нош улон озьы берытскем, асьме ёросын поръёсмы, палдэм шелеп кадь, кылемын одӥг гуртэ гинэ на, Вуж Монья улосвыламы пырись Вылӥ Иж-Бобья гуртэ. Котькуд калыклэн сямен ик, соослэн но вань асьсэлы гинэ тупась сямъёссы, кырӟанъёссы, эктонъёссы но яркыт буёло дӥськутсы.
Нош эшшо но паймонэз со, ми быгатӥськомы соосын вераськыны удмурт кылынымы, соос тонэ туж умой валалозы но эшшо удмурт кылын ик вераса сётозы на!
Анай кыллы сӥзем нуналмы ортчиз тунсыко: кырӟамы удмурт но, пор но кырзанъёсты, эктӥмы удмурт но, пор но эктонъёсты, йырвизьмес но сынамы кык пӧртэм кылмес кутыса.
Сегодня, к Всемирному дню родного языка, в гости пригласили своих соседей - марийцев. Они проживают в деревне Верхняя Иж-Бобья Малопургинского района.
Они удивляют нас своими песнями и танцами, знанием удмуртского языка, яркими национальными платьями.
