С. А. Самсонов "Нянь сукыри" очерказ гожтэ няньлэсь кулэлыксэ но дунлыксэ:
"... Нянь - со адямилэн но музъемлэн кужымзы, шундылэн сиез но шунытэз. Соин асьмеос, киямы нянь шорем кутыса, котьку валаны кулэ солэсь дунзэ, тодамы вайыны кулэ солэсь кызьы жӧк вылэ вуэмзэ."
Показать ещё
Зэм но, няньтэк улонмес секыт малпаны, соин ик ми, культура удысысь но Киужъёсъя юртысь ӧнерчиос, школаысь удмурт кылъя дышетӥсен Екатерина Фоминична Гагаринаен но школаысь музеен кивалтӥсен Мария Захаровна Никитинаен кенешимы няньлэн ӝӧк вылэ вуон сюресэз сярысь ужрад ортчытыны.
"Мӧння-квест" тодон-валан сётӥсь шудонмы ортчиз ньыль интыын: школаысь музейын, Киужъёсъя, лулчеберетъя но лыдӟиськон юртъёсын.
Шудонмес кутскимы лыдӟиськон юртын: библиотекарь вакчияк тодматӥз няньлэн сюресэныз, "Нянь - калыклэн узырлыкез" книгаосын адӟытонэн.
Озьы ик шудӥсьёслы нянь сярысь калык визькылъёсты огазеяно но вандылэм люкетъёсты бичаса , пӧрмем суред сярысь верано луиз на.
Нош азьлане мынон сюреслы валэктон сётэмын вал книгаосын ӝажыосы ватӥськем Н.В. Куликовлэн "Гуньдытӥсь нянь" книга висказ.
Шудӥсьёс люкиськизы куинь командалы: "Нянь", "Колӟо" но "Зарни тысь", соос ваньзы ик могӟетъёс пыр потӥзы но шудонзэс азьланьтӥзы школа музейын.
Музеен кивалтӥсь Мария Захаровна тодматӥз аран-кизён удысын кутӥськись арбериосын, валэктӥз кыӵе секытэн сётӥське вал азьло нянь будэтон. Тросэзлэсь со арбериослэсь нимъёссэс но ум тодӥське ини, соин ик шудӥсьёслы шедьтоно но тодоно луиз кутэсэз, кизён кудыез, аран сюрлоез но мукетъёссэ.
Кизем ю кутске шепаськыны, нош кытын но кызьы кутӥське куроез асьме гуртын? Та юанлы валэктон сётыса, шудӥсьёс азьланьтӥзы шудонзэс Киужъёсъя юртын.
Киужъёсъя юртын шудӥсьёсты пумитазы методист Харлампьева М.Е. но куроен ужась мастер Силантьева З.В. Соос малпаллям командаосты куролэсь мунё лэсьтытыны, кудзылэн устогес пӧрмоз шуыса. Нош мунё лэсьтон висказы шудӥсьёсмы юанъёслы валэктон но сётъяса вуттӥзы на.
Одӥгез юан вал: "Ма карыны быгато та лэсьтэм куро мунёос?"
Та вал шудӥсь командаослы азьлань мыныны сюресэз возьматӥсь юан.
Озьы шудӥсьёслэн командаоссы вуизы лулчеберет юртамы. Нош татын соосты возьмало вал ини гурын пыжем пӧсь табанен: музъем выламы кизем ю-тысьлэсь, ӵуж-ӵуж кисьмам юлэсь но вукоын изэм пызьлэсь котэм табань.
"Мылкыд" ансамбленымы ӵош быдэстӥмы вашкала "Гершыд" ("Гырон быдтон", " Гербер") гурез, кудзэ гожтыса кельтыны вуттэмын на пересь анай-атайёсмылэсь.
Нош куролэсь лэсьтэм шудӥсьёсмылэн мунёоссы "улӟизы" но арганчиос шудон улсын эктыса но лэзизы.
"Мӧння-квест" шудонъёслы йылпумъян лэсьтӥз дунъясь Гагарина Е.Ф.
Со пусйиз шудонлэсь кулэлыксэ но пайдаё луэмзэ. Шудӥсьёсмы ваньзы ик ӟеч тодон-валан басьтӥзы.
Озьы ик туспуктэмъёсты адӟыны быгатоды:
https://vk.com/album223526616_293653193
