но. Сыӵеос пӧлысь оди́гез Баграш-Бигра гуртысь Юлия Никифоровна Николаева. Солы туннэ 90 арес тырме.
Вазь анайтэк кылиз, дӥськут ӧвӧлэн дышетскыны ӧз кылды. ПиналПоказать ещё дырысеныз ик улонзэ герӟано луиз колхоз ужен. Кунянъёсты, парсьёсты, валъёсты сюдӥз, фермаын скал кыскиз. Быдэ вуыса, бизиз асьсэ гуртысь ик Володя нимо егит пилы. Ӵош соос вить нылпи будэтӥзы. Вань уж борды котьку но рос-прос, мыло-кыдо кутскоз вал Юлия Никифоровна. Колхоз кивалтӥсьёс но, сое валаса, трос пол сое пусйылӥзы грамотаосын но.дуно кузьымъёсын.
- Москвае колхозникъёслэн Всесоюзной слётазы но ветлэмез вань, - вера Валя нылыз. – Туж куректӥз соку, выль дӥськутэз но, пыдкутчанэз но тупасез ӧвӧл шуыса. Али но син азям пуктӥсько каракуль воротнико сьӧд пальтозэ. Сое басьтыны быгатӥз атаймы, со шофёрын ужа вал бере, олокытчы но вуылыли́з.
Юлия Никифоровнаез гуртоосыз гажало. Со тросэзлы адӟем карымон луэ юн ужез яратэменыз, шуг-секытъёсты вормыны быгатэменыз, зэмлыкез гажаменыз. Трос улытозяз оломае но адӟиз ни, но куректонзэ ӧз возьматъя, ӧз жожти́ськы. Нош улӥз но ужаз нылпиосыз понна, соосты но дышетӥз сюлмысь ужаны, ужам ужзы понна кыл кутыны.
- Ми туж тау кариськом анаймылы. Милемлы пыд выламы султыны юрттӥз. Со туж лякыт сямо, но огдыре ик азямы бадӟым куронъёс пуктылӥз. Лэсьтӥмы-а ми урокъёсмес, гурт котырысь ужъёсмес. Ваньзэ чакла вал, эскере. Мылысь-кыдысь ужаны дышетӥз, но одно ик вылӥ образование басьтыны косӥз, – шуэ нылыз Нина Владимировна.
Кызьы косӥз анайзы, озьы ик лэсьтӥзы нылпиосыз. Витез ик нылпиез вылӥ образование басьти́зы. Надя но Миша – эмчиос, Маша но Нина –дышетӥсьёс, Валя – экономист. Ваньзы ик дышетскем специальностьсыя ужазы но, ужало.
2006-тӥ арын Юлия Никифоровналы сётэмын «Пичи Пурга ёрослэн нылыз» дано ним. Со аре ик «Материнская слава» вылӥ знакен пусъемын.
Ӟечкыласько Тӥледыз, Юлия Никифоровна! Бадӟым тазалык, нылпиосты котьку сямен ик мед шумпоттозы. Тау Ти́ледды!
#юбилей #ЛюдиДела
