фольклористлэн, этнографлэн, дышетӥсьлэн, крезьгурез эскерисьлэн, мерлыко ужасьлэн Кузебай Гердлэн (Кузьма Павлович Чайников) вордӥськем дырысеныз. Та дано удмурт шаерлэн дано пиез кыӵе гинэ уж борды ӧз басьтӥськы, ӟеч пытьы кельтӥз уно удысъёсын. Визьмо, дӥсьтӥсь, котыр ласянь паймымон воргорон.Показать ещё Тани кызьы дунъя но солы паймемзэ гожтэ Удмурт Элькунысь Кун премилэн лауреатэз, Кузебай Герд нимо йӧскалык премилэн лауреатэз
Татьяна Никитична Москвина:
«Мынам улонам озьы луиз: ог 30 ар талэсь азьло, Тусъет устолыкъёсъя му-зейын реставратор луыса ужаны кутскем берам, басьтӥськоно луи сюлык кышет тупатон борды. Алнаш палась вуттэм сюлыкмылэсь пужызэ интыен-интыен шыр корам вылэм. Пужыятэмез но интыен ышемын ке но, бервылыз тодмо, адӟиське на. Синмаськымон но туж тунсыко экспонат - мылысь-кыдысь басьтӥськи уж борды. Со вакытэ ик «Кенеш» журналысь лыдӟыны шедьтӥ Кузебай Гердлэсь «Айшон» кылбурзэ. Пушме ик бугыртӥз Жагалэн улэмез, ужам ужез. Соку пайми но мур малпаськонэ вуи: кытысь меда Кузебай Герд воргорон йырыныз сомында тодэ-вала, кызьы кылдэ Айшон? Кызьы со сокем быгатыса суреда-возьматэ солэсь чеберлыксэ, секытэн лэсьтонзэ-вуронзэ? Удмурт кышномуртлэн дӥськутэз пӧлысь йыраз нуллон арбериез, мон сямен, тужгес но вылӥ но сйё-дано луэ. Гердлэн «Айшон» кылбурез та малпанме эшшо но юнматӥз на».
... Кинлэн киыз абдрано кадь пужыятӥз та айшонэз,
Кин, уин изьтэк, ӝытэн-ӵукен бырттылӥз
та ворекъясь азвесь коньдонэз?..
Бия кен, ма ку сыӵе чебер айшон лэсьтӥд?
Ой, пужыез, тугез! Синэз басьтӥсь,
Нош буртчинэз! Таӵе ик эркия киез!..
Кузебай Герд.
#КузебайГерд #дата #событие
