улон-вылонлы но дышетны вутскисько ай, - шуэ Тыло гуртысь Евгения Петровна Вознякова.
Та пичи мугоро муспотон кышномурт шоры учкыса паймисько – кызьы сомында шуг-секытъёсты чидазы солэн чиед пельпумъесыз. Собере валасько – со зэмос удмурт кышномурт, капчи мылкыдо, ужез, улонэз яратӥсь но шуг-секытъёслы сётскисьтэм.
Нылашлы 4 класс сяна дышетскыны ӧз кылды, пичи дырзэ Быдӟым ож куспетӥ кариз. Школае ветлон интые, колхозын ужано луиз. Эшъёсыныз етӥн, узьым уризы, валэн бусы гыризы, кизизы но усыязы. 16 арес тырмем бераз, 5 ар нюлэс дасяны ветлӥз. Отӥяз вал сюдӥз, скал кыскиз. Сюлмысь тыршемез «Ужысь ветеран» нимын пусъемын.
Кузпалэныз Семён Владимировичен 2 пи но 5 ныл будэтӥзы. Али ужысь ветеранлэн 15 внукъесыз но 28 правнукъёсыз. Евгения Петровна «Медаль материнства» но «Материнская слава» орденэн пусъемын.
- Мамамылэн кадь шуныт киосыз, мусо синъёсыз нокинлэн ӧвӧл. Со милям дуннемы, шундымы, яратонмы, - шуо нылпиосыз. Туннэ ужысь ветеранлы тырме 90 арес. Гажано Евгения Петровна, сюлмысьтым ӟечкыласько та бадӟым котырес лыдпусэныды. Тазалык тиледлы!
#юбилей #ЛюдиДела
