"Зинапай лыктэ!» – шумпотыса бызё азяз но бордаз бинялтӥсько нылпи садысь нылъёс но пиос.
Зинаида Ивановна Моисеева 8 ар уг ужа ини нылпи садын, нош сое али но отын ваньмыз умой тодо но мур гажало. Ма ачиз но со нылпиослэсь но, ужезлэсь но юн мӧзме.
- Кызьы-о уд мӧзмы? 42 ар нылпиосын ужай визьнодасьлэн юрттӥсез луыса, - вера ужысь ветеран, «Пичи Пурга ёрослэн дано нылыз». - Нырысь Вуж Мӧнья нылпи садын ужаз мынам анае Анастасия Сергеевна, - Солэсь адӟем карыса, мон но татчы интыяськи. Валаса ик ӧй вутты, кызьы пенсие потон дыры вуиз. Пичиез нылы но та юртын ик ужа, бадӟымез но бызьытозяз тыршиз.
Зинаида Ивановна котькуд уж борды гижысь-пиньысь басьтӥське, нылпи садын но мыло-кыдо тыршиз. Трос саклык висъяз пиналъёс удмурт кылэз медаз вунэтэ но мед яратозы, тодэменызы мед данъяськозы шуыса. Зинаида Моисеева куинь удмурт бичетъёслэн авторзы луэ.
Гажано Зинаида Ивановна, ёросысь нылпи садъёсын али но азьвыл ужасьёс! Сюлмысьтым ӟечкыласько тӥледыз ӧнер нуналэныды. Сӥзисько тунсыко утчаськонъёс, выль шедьтонъёс но покчиосты визьнодан удысын азинсконъёс. Юн тазалык, капчи мылкыд но бадӟым шудбур!
#профессия #ДеньДошкольногоРаботника2:50
