Удмуртлыклэсь тусбуйзэ, куаразэ, улэмзэ адӟемед но валамед, ке, потэ – лыкты Пичи Пурга ёросэ!
Со выллем луиз яркыт ортчем Гербер. Юнме ӧм шуылэ – Пурга удмуртъёслэн но удмуртлыклэн кӧкыез. Сое валано вал, сое дунъяно вал, сое азинтоно вал. Тӥни сыӵе ужмылэн емышез ческыт потӥз котькудӥзлы шулдыръяськонэ лыктэм адямилы.
Бадӟым дасям но возьматэм ужрадъёс капчиен уг сётӥсько. Сюлмысьтым тау карисько ваньмызлы, кин ӧз аналскы, гижысь-пиньысь басьтӥськиз дасяськон уж борды но аслыз шумпотымон вормон басьтӥз. Сыӵе трос бугыртэм сям-йылолъёс, вашкала но чебер туала диськутъёс, ог-огдэ валаса ужам ужъёс, куноосты гажаса пумитан, огинын шулдыръяськыны быгатэм мылкыдъёс ваньмес асьмемыз ик вылӥе ӝуто, выжыосмес тодамы вайыто, эшшо но мургес эскерем потэ чеберзэ, шонерзэ, кельшисьсэ!
21 воршудъёсы пырись 61 гуртысь черко гуртъёс, починкаос быгатӥзы асьсэлэсь вордскем интызэс чеберен возьматыны, яратэмзэс вераны. Тазьы визьмо ужам но возьматэм мылкыдъёсмы медаз кысэ – таӵе луыны кулэ котькуд гуртын Гырон-быдтон, яке мукет яркыт праздник – бӧлякъёсын, ульчаосын, гуртэн-гуртэн кенешыса лэсьтэмын мед луозы.
Одӥгез но палэнын медаз сылы, монэ оз ӧте медаз шуы. Ваньмыз та котькудӥз понна.
Ог дышемен тазьы ик котькыӵе шуг-секытъёсты вормыны кужым мед тырмоз, мылыкыдъёстэс эн кысэлэ – тӥни сыӵе удмуртлыклэн ваньмызлы кельшись пайдаез!
#Гербер #малопургинскийрайонГажаса, ёрос депутатъёслэн кивалтӥсьсы
Василий Москвин
