"
Дунневыл меӵкытонъёс" - мар со сыӵе, кин со огинэ пыриське, маин соос тунсыкъясько?
Таӵе но трос мукет юанъёслы валэктон сётӥзы та огинысь ёзчиос
ёрос лыдӟиськон юртын.
Огинэз кылдытӥсез
Виктор Занчаров пыр-поч мадиз, кызьы кылдӥз та огин, маин выро, кинъёс но кытысь адямиос пыремын, кызьы кылдӥз "Шыпыртӥсь чуръёс" кылбур бичетсы.
Книга бадӟым ик ӧвӧл кадь но, отчы пыремын 18 авторъёслэн 70 кылбуръёссы.
Виктор Александрович шедьтӥз шуныт кылъёс котькуд автор сярысь вераны. Ӟеч кылъёс верамын вал Татьяна Чернова, Любовь Тихонова но Вячеслав Ар-Серги сярысь но.
Тужгес но удмурт кылмес утён, азинтон бордын ужамды понна тау,- шуиз ёросысь депутатъёслэн кенешсылэн кивалтӥсез
Людмила Бикшинтеева.
"Брангуртысь кенакъёс" паймытӥзы Виктор Александровичлэн кылбурезъя гожтэм кырӟанэз кырӟаменызы.Туж шулдыр но чебер пӧрмытэм гурзэ гожтӥсь Любовь Иванова.
Ужрад ортчем бере кенешыса, кырӟаса, пыштурынэн чай юизы.
Бадӟым тау Алнаш, Ува ёросъёсысь но Ижкарысь лыктэм куноосмылы. Соос мыло-кыдо усьтӥзы ужрадэ лыктэм учкисьёслы сюлэмъёссэс, лыдӟизы кылбуръёссэс. Туж синмаським соослы. Азьланяз но тазьы пумиськон мугъёс мед луозы.
#дунокуноос
#вылькнига
